التدريب المالي والتوجيه

التدريب المالي للشركات.

"فؤاد صدقي" بيقدم برنامج تدريب مالي متخصص علشان يساعد موظفين الشركات على إدارة شؤونهم المالية الشخصية بشكل فعّال، ومن خلال البرنامج التدريبي ده هيقدروا يفهموا ويعرفوا أكتر أهمية الرفاهية المالية للأشخاص، وهيزيد وعيهم بالمهارات اللازمة لاتخاذ قرارات مالية واضحة تساعدهم في تحقيق أهدافهم المالية وتقلل من الضغوطات المالية عليهم.

بيغطي برنامج التدريب المالي لموظفي الشركات، مجموعة مهمة من المواضيع المتعلقة بإدارة الأموال الشخصية زي:

1.  إعداد الميزانية وإدارة النفقات: والجزء ده بيركز على "وضع الميزانية من البداية"، وازاي تحافظ عليها، وتتبع نفقاتك، وتحدد مجالات التوفير والتطوير ليك، كمان اللي هيحضر البرنامج ده هيستفيد من "تقنيات إدارة تدفقاتهم النقدية بفعالية"، وهيقدر يتخذ خيارات إنفاق حكيمة.

2.  إدارة الديون: هتتعلم "استراتيجيات مختلفة لإدارة الديون وتخفيضها"، وكمان تغطية موضوعات مهمة زي "فهم أنواع الديون المختلفة"، بالإضافة لـ"وضع خطة لسداد الديون" دي، و"اكتشاف خيارات توحيد الديون" و"إعادة التمويل بشكل سليم".

3.  استراتيجيات الادخار والاستثمار: هتعرف هنا أكتر عن "أدوات الادخار والاستثمار" المختلفة زي: حسابات التوفير، وصناديق الاستثمار المشتركة، والأسهم وحسابات التقاعد، واللي هيحضر البرنامج ده هيعرف بطريقة غير معقدة "مبادئ التركيب"، و"تقييم المخاطر"، و"تخصيص الأصول"، وهيفهم اكتر عن "كيفية تحديد الأهداف المالية" و"إنشاء محفظة استثمارية" ده غير إنه هيكون ملم أكتر بـ"التخطيط للتقاعد".

4.  التأمين وإدارة المخاطر: في الجزء ده هيتم شرح بشكل تفصيلي أكتر عن "أنواع التأمين" المختلفة زي: التأمين الصحي، والتأمين على الحياة، والتأمين على الممتلكات، وهيتم توضيح "سياسات التأمين"، و"تقييم احتياجات التأمين"، و"تخفيف المخاطر المالية" من خلال التغطية التأمينية المناسبة.

5.  تحديد الأهداف المالية وبناء الثروة: هنا هيتم التركيز على "أهمية تحديد الأهداف المالية"، ووضع خطة ممنهجة لتحقيقها، وكمان هيتم توضيح "استراتيجيات تراكم الثروة"، و"التخطيط المالي طويل الأجل"، وإزاي يتم بناء أساس مالي متين للمستقبل.