أفضل طريقة لاستثمار فلوسك

الإجابة ممكن تكون صادمة.. بس فعلًا مفيش حاجة اسمها "أفضل طريقة"، لكن فيه حاجة اسمها "طرق كتير مختلفة" ممكن تكون الأفضل والأنسب ليك عن غيرك، لإن ببساطة لو كان فيه طريقة واحدة هي الأفضل للكل، كان كل الناس أصبحت غنية!

بالنسبة لمصادر الدخل، فنقدر نقسمها لفئات متعددة، بدايًة من الوظائف اليومية العادية للاستثمارات في الأصول الورقية زي "الأسهم، السندات، صناديق الاستثمار المشتركة" وغيرها، وكمان الأعمال الخاصة والسلع زي "الدهب، الفضة، والقهوة، وغيرها" بالإضافة للعقارات، كل دي طرق مختلفة لتحقيق ربح، لكن السؤال هنا إزاي تقدر تحصل على أفضل استثمار أو مصدر للدخل المناسب ليك!

الإجابة ببساطة بتعتمد على نقطتين أساسيتين: إيه هو هدفك اللي عايز تحققه؟ محتاج وقت قد إيه علشان تحقق الهدف ده؟ لو عرفت تجاوب على السؤالين دول هتقدر بسهولة تحدد أفضل طريقة وأداة استثمارية ليك