يعني إيه "تخطيط مالي"؟

"ليس المهم كم من المال تجني، بل كم من المال تحتفظ به، ومدى صعوبة عمله من أجلك، وكم جيلًا تحافظ عليه."

–     روبرت كيوساكي

التخطيط المالي ببساطة هو عملية إجراء حساب دقيق لمواردك "الدخل والمدخرات والأصول، وعائد الاستثمار" وغيره، وطرحها من التزاماتك ونفقاتك المستقبلية.. من الآخر هي عملية بنسميها "حساب النقص"

وبتقدر تعمل كده بطريقة بسيطة، وهي إنك بتفكر في الفئتين الرئيسيتين من فلوسك الشخصية: "الوارد والصادر"، وبتقدر بكده تعرف فكرة تقريبية عن الطريقة اللي أنت محتاجها لإدارة فلوسك

لكن لو عايز طريق أدق.. يبقى من خلال "المستشار المالي"؛ لإنه هيقدر يساعدك بأكتر طرق المساعدة الممكنة إنك تحقق أقصى استفادة من مواردك، وهيقولك إزاي تستخدمها بأفضل طريقة مناسبة، وهيرشدك بشكل متمكن علشان تحقق حياة مالية ناجحة تقدر من خلالها تغطي كل أصولك وتحافظ على استقرار حياتك

فمن خلال حصولك على خطة مالية مناسبة، مستشارك المالي هيقدر يحسب كل بنود نفقاتك بتفاصيلها، وهتشوف بنفسك أرقام وأنماط إنفاقك بشكل واضح جدًا، هيخليك تعرف تقسم مواردك وتحدد إنفاقك على احتياجاتك الأساسية بنسب موزونة

أخيرًا.. من الفوائد الرئيسية لوجود خطة مالية من خلال مستشار مالي متخصص، هي وجود شخص تقدر تلجأله في كل ما يتعلق بالجانب المالي في حياتك، وتقدر تستفسر منه عن أي مجال مناسب ليك للاستثمار فيه، وتفاصيل تانية كتير.